Abracadabra! O Mago Teto regresa á súa terra cun espectáculo pensado para facer voar a imaxinación de grandes e cativos/as..
"A Maxia dos Contos" é unha proposta única que combina a narración oral coa ilusión. Ao longo do espectáculo, o público poderá descubrir sete contos nos que a figura do mago, os seus coellos, cartas e variñas máxicas son os protagonistas. E, como non podía ser doutro xeito, cada historia irá acompañada dun sorprendente xogo de maxia relacionado co conto..
Porque hai moita maxia na literatura... e moita literatura na maxia..
Venres, 5 de agosto.
12:00 horas.
Casa da Cultura.
Un espectáculo familiar cheo de ilusión, humor e fantasía que non vos podedes perder.