O Ministerio de Agricultura, Pesca e Alimentación convoca anualmente os Premios de Excelencia á Innovación para Mulleres Rurais”, buscando poñer en valor os proxectos de traballo e de vida das mulleres do noso medio rural e o traballo esencial que realizan para manter e dinamizar estes territorios, a través do recoñecemento de proxectos excelentes, orixinais e innovadores.
A convocatoria dos premios publicarase a principios de marzo. Terá un premio total de 150.000 euros e recoñeceranse catro categorías, en cada unha das cales se outorga un primeiro, segundo e terceiro premio:
- “Excelencia en innovación na actividade agraria”
- “Excelencia na innovación na actividade pesqueira ou acuícola”
- “Excelencia na innovación na diversificación da actividade económica no rural”
- “Excelencia na comunicación”
A estas categorías súmase os Premios Especiais á traxectoria vinculada ao apoio á muller do rural e do rural pesqueiro, cun recoñecemento honorífico.
Podes obter máis información sobre estes premios e as condicións para participar neles na páxina web do Ministerio e na súa sede electrónica, onde se publicará a convocatoria proximamente.
Web do Ministerio de Agricultura, Pesca e Alimentación:
Sede Electrónica do Ministerio de Agricultura, Pesca e Alimentación:
